دنیا بھر کے مختلف ممالک اس وقت سخت سردی کی لپیٹ میں ہیں،جس کی وجہ سے صرف انسان ہی نہیں جانور بھی مشکل میں گھر گئے ہیں۔ ایسی ہی مشکل امریکا میں ایک ہرن کو اُس وقت پیش آئی، جب وہ سردی کے باعث جم جانے والے دریا میں پھنس گیا۔ امریکی ریاست پنسلوانیا میں سخت سردی کے باعث جم جانے والے ’مونونگاہیلا‘ نامی دریا میں پھنسے ہرن کو ایک ہمدرد شخص نے دیکھا تو بچانے پہنچ گیا۔

مشکل میں گھرے ہرن کو ’مائیکل کونوپکا‘ اور اُس کے بیٹے ’کرسٹین‘ نے کچھ لمحوں کی محنت کے بعد آزاد کرالیا، جبکہ ہرن نے بھی مصیبت سے نکلتے ہی سکون کا سانس لیا اور تیزی سے جنگل کی جانب دوڑ گیا۔