کئی لوگوں نے اس لباس کو افغان ثقافت کے منافی اور غیر اسلامی قرار دیا تھا۔
کابل(ویب ڈیسک ) افغان گلوکارہ اریانا سعید کو ایک کنسرٹ میں شرکت کے موقع پرچست لباس پہننے پر کافی تنقید کا سامنا کرنا پڑا۔ اس کے بعد گلوکارہ نے اس لباس کو آگ لگا دی اور اس کی ویڈیو بھی جاری کر دی۔اریانا سعید نے 13 مئی کو پیرس میں ایک کنسرٹ میں لباس پہنا تھا جس پر نہ صرف مذہبی حلقوں نے اعتراضات کیے تھے بلکہ سماجی رابطے کی ویب سائٹس پر انھیں تنقید کا نشانہ بھی بنایا گیا۔ کئی لوگوں نے اس لباس کو افغان ثقافت کے منافی اور غیر اسلامی قرار دیا تھا۔ اریانا سعید نے فیس بک پر اپنے 16 لاکھ مداحوں کو پیغام دیا اگر آپ سمجھتے ہیں کہ افغانستان میں واحد مسئلہ یہ لباس ہے تو صرف آپ کیلئے اسے آج آگ لگا رہی ہوں ۔اریانا سعید کی جانب سے لباس کو جلانے کے اقدام پر سماجی رابطے کی ویب سائٹس پر ملے جلے تاثرات سامنے آئے ہیں۔
