ٹرمپ کے امریکا میں مسلمانوں کیخلاف تعصب عروج پر پہنچ گیا۔ پورٹ لینڈ کے شمال مشرق میں واقع ہالی وڈ ٹرانزٹ سنٹر سٹیشن میں انتہاء پسندی کا ایک اور واقعہ پیش آیا، جب چلتی ٹرین میں مسلم خواتین کو ہراساں کیا گیا۔ باحجاب مسلم خواتین کو برا بھلا کہنے سے منع کرنے پر دو شہریوں کو تشدد کا نشانہ بنا کر ہلاک کر دیا گیا۔
واشنگٹن: ڈونلڈ ٹرمپ کے امریکا میں مسلمانوں کے خلاف انتہاء پسندی عروج پر پہنچ گئی۔ ٹرین میں مسلمان خواتین کے ساتھ بدتمیزی سے منع کرنے پر دو افراد کو بے دردی سے قتل کر دیا گیا۔ پورٹ لینڈ کے شمال مشرق میں واقع ہالی وڈ ٹرانزٹ سنٹر سٹیشن میں انتہا پسندی کا ایک اور واقعہ پیش آیا جب چلتی ٹرین میں مسلم خواتین کو ہراساں کیا گیا۔ باحجاب مسلم خواتین کو برا بھلا کہنے سے منع کرنے پر دو شہریوں کو تشدد کا نشانہ بنا کر ہلاک کر دیا گیا۔ امریکی میڈیا کے مطابق تشدد سے ایک شخص موقع پر جبکہ دوسرا ہسپتال میں پہنچ کر دم توڑ گیا۔ پولیس نے واقعے میں ملوث ایک مشتبہ شخص کو حراست میں لے لیا ہے۔
