تئیس مارچ کو شکرپڑیاں گرائونڈ میں یوم پاکستان پریڈ کی تیاریاں عروج پر ہیں

اسلام آباد(اصغر علی مبارک سے) یوم پاکستان بھرپور ملی اور قومی جوش و جذبے سے منانے کے لئے تیاریاں جاری ہیں۔اس دن کو شایان شان طریقے سے منانے کے لئے مسلح افواج کی جانب سے مشقیں اور ریہرسل کا سلسلہ جاری ہے ۔23مارچ کو شکرپڑیاں گرائونڈ اسلام آباد میں یوم پاکستان پریڈ کی تیاریاں عروج پر ہیں۔پریڈ میں حصہ لینے والوں میں پاک فوج کی بری فوج،بحریہ، فضائیہ، فرنٹیئرکور،ناردرن لائٹ انفنٹری،مجاہدفورس، تینوں مسلح افواج کی نرسنگ سروس، گرلزگائیڈ، بوائے سکائوٹس، تینوں مسلح افواج کے سپیشل سروس گروپ آرمرڈکور کے میکانائززڈ دستے، توپ خانہ، آرمی ایئرڈیفنس، سگنلز، انجینئرز، آرمی سٹریٹجک فورس کمانڈ اور کیمل بینڈ شامل ہوںگے ۔