ماہرہ خان کی فلم ”ورنہ“ کو نمائش کی اجازت مل گئی
لاہور : پاکستانی سنسر بورڈ نے ہدایت کار شعیب منصور کی فلم ”ورنی کو نمائش کی اجازت دیدی ، فلم میں مایہ ناز اداکارہ ماہرہ خان مرکزی کردار ادا کر رہی ہیں۔ تفصیلات کے مطابق سنسر بورڈ نے یہ فیصلہ گزشتہ روز ہونیوالے اجلاس میں کیا، اجلاس میں فلم کا دوبارہ جائزہ لیا گیا جس کے بعد فلم میں چند منٹ کی فلم کو سنسر کر کے ریلیز کرنے کی اجازت دے دی گئی ہے۔ واضح رہے کہ میڈیا میں یہ خبریں گردش کر رہی تھیں کہ فلم ورنہ کی ریلیز پر پابندی عائد کر دی گئی ہے تاہم اس پر وزیر اطلاعات مریم اورنگیز نے رد عمل دیتے ہوئے کہا کہ ماہرہ خان کی فلم ”ورنہ“ پر پابندی لگانے کے حوالے سے تاثر بالکل غلط ہے، ایک نجی چینل نے الزام لگایا کہ اس فلم میں پنجاب کے سابق گورنر کو تنقید کا نشانہ بنایا گیا ہے ، سیاست دانوں کی وجہ سے آج تک کوئی فلم بین ہوئی ہے اور نہ ہی کسی فلم کو سنسر کیا گیا۔ ورنہ کو تمام امور کی تکمیل کے بعد ریلیز کرنے کی اجازت دے دی جائے گا۔ماہرہ خان کی فلم 17نومبر کو نمائش کیلئے پیش کی جائے گی۔
