ہرارے : زمبابوے نے بھارت کو دوسرے ٹی ٹوینٹی میچ میں دس رنز سے ہراکر اپ سیٹ اور دو میچز کی سیریز ایک ایک سے برابر کردی۔
ہرارے میں سکندر رضا بٹ کی قیادت میں زمبابوین ٹیم نے پہلے کھیلتے ہوئے بیس اوورز میں سات وکٹ پر ایک سو پینتالیس رنز بنائے ۔ شی بابا سڑسٹھ رنز بناکر ٹاپ اسکورر رہے۔ جواب میں بھارتی ٹیم بیس اوورز میں نو وکٹ پر ایک سو پینتیس رنز ہی بناسکی۔
رابن اتھاپا نے بیالیس رنز بنائے ۔ میزبان ٹیم کے گریم کریمر نے تین کھلاڑیوں کو آوٹ کیا۔
یہ ٹی ٹوینٹی انٹرنیشنلز میں زمبابوے کی بھارت کیخلاف پہلی فتح ہے جس کے ساتھ میزبان ٹیم بھارت سے دو میچز کی سیریز ایک ، ایک سے برابر کرنے میں کامیاب ہوگئی۔
