پاکستان پیپلز پارٹی فرانس کے صدر زاہد اقبال خان نے پاکستان پیپلزپارٹی کے سینئر رہنما مخدوم امین فہیم کی وفات پر گہرے دکھ کا اظہار کیا ہے۔انہوں نے مزید کہا کہ مخدوم امین فہیم کی وفات پارٹی کے لیے ایک بڑا صدمہ ہے اورانہوں نے مزید کہا کہ وہ محترمہ بے نظیر بھٹو شہید کے ایک وفادار اور جانثار ساتھی تھے۔انہوں نے ڈکٹیٹر کی آنکھوں میں آنکھیں ڈال کے وزارت عظمیٰ کو ٹھوکر مار دی مگر اپنی رہنما محترمہ بے نظیر بھٹو شہید سے غداری نہ کی۔ انہوں نے ہر مشکل وقت میں پارٹی کو سہارا دیا۔ان کی وفات سے ایک خلا پیدا ہوگیا ہے۔جسے مدتوں تک پُرنہیں کیا جاسکے گا۔ہماری دعا ہے کہ اللہ تعالیٰ مرحوم کو جنت الفردوس میں جگہ عطافرمائے۔اور لواحقین کو یہ صدمہ برداشت کرنے کی توفیق عطافرمائے۔
