یس اردو نیوز نیٹ ورک کی طرف سے تمام قارئین اور تمام مسلمان عالم بالخصوص پیرس اور دنیا بھر میں بسنے والے پاکستانی تارکین وطن کو دلی عید مبارک، اللہ کریم ہمین عید کی خوشیاں بانٹنے اور ملک وقوم کیلئے کام کرنے کی توفیق عطا فرمائیں، ٹیم یس اردو نیوز
پیرس/اسلام آباد(نمائندہ خصوصی) یس اردو نیوز نیٹ ورک کی پاکستان اور یورپ بھر کی ٹیم کی طرف سے تمام اہل ایمان کو اوربالخصوص پیرس اور دنیا بھر میں بسنے والے پاکستانی تارکین وطن کو عید کی خوشیاں مبارک ہوں۔
اس عید سعید کے موقع پر ہمیں اپنے ان تمام اسلام پسند بھائیوں کو نہیں بھلانا چاہیے جو آج تنگ دستی اور تشدد کا شکار ہیں۔ ان میں بطور خاص فلسطین،مصر ،کشمیر اور شام کے مظلوم مسلمان ہیں تو وہیں وہ تمام مسلمان جن پر صرف اس بنا پر ظلم ڈھایا جا رہا ہے کہ وہ کہتے ہیں کہ ہم مسلمان ہیں،جو اپنی بقا اور وجود کی جدو جہد میں مصروف ہیں یا اسلامی تشخص کے فروغ میں سرکرداں ہیں۔ اللہ تعالیٰ ان سب کا حامی و مدد گار ہواور ان کو دنیا ہی میں وہ کامیابی عطا فرمادے جس کے بعد ان کا ہر غم ہلکا ہوجائے ۔ نیز ملت اسلامیہ کے وہ تمام لوگ جو کہیں بھی اور کسی بھی ملک میں اللہ کے دین کے قیام کی جدو جہد میں مصروفِ عمل ہیں اور باطل قوتیں ان کی سرکوبی میں لگی ہوئی ہیں، ایسے تمام لوگوں کے لیے بھی ہماری دعا ہے کہ اللہ تعالیٰ ان کی سعی کو قبول فرمائے ، ان کے درجات بلند کردے اور وہ فتح نصیب فرمائے جس کا وعدہ اُس نے اپنے نیک بندوں سے کیا ہے۔ اللہ تعالیٰ سے دعا ہے کہ وہ وقت جلد آئے جب کہ اسلام کو غلبہ نصیب ہو اور اللہ کی زمین پر اللہ کی کبریائی بیان کی جائے۔ اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد۔
