کراچی (جیوڈیسک) یمن سے مزید گیارہ پاکستانی واپس پہنچ گئے، انصار برنی ٹرسٹ کے صارم برنی نے حکومت سے مطالبہ کیا ہے کہ یمن کی جیلوں میں قید پاکستانیوں کی واپسی کیلئے اقدامات کئے جائیں۔
کراچی ائیر پورٹ پر پی آئی اے کی پرواز 732 گیارہ پاکستانیوں کو یمن سے لیکر پہنچی جہاں پاکستانیوں کی اہلخانہ نے وطن واپسی پر استقبال کیا۔
اس موقعے پر انصار برنی ٹرسٹ کے صارم برنی بھی وہاں موجود تھے جنہوں نے پاکستانیوں کی واپسی میں اہم کردار ادا کیا۔
پاکستانی خاتون نے بتایا کہ یمن میں پھنسے پاکستانیوں کو کھانے پینے کی اشیاء کی قلت کے باعث پریشانی کا سامنا ہے۔ صارم برنی کا کہنا تھا کہ حکومت یمن کی جیلوں میں قید پاکستانیوں کی رہائی کیلئے اقدامات کرے۔
