پیرس، پاکستان فیسٹول فرانس ، پاکستانی ثقافت کا بھرپوراظہار ہے، تمام کمیونٹی دنیا کو پاکستانی معاشرے کا مثبت تشخص اجاگر کرنے کیلئے بھرپور شرکت کرے، یاسر خان
پیرس؍اسلام آباد(ایس ایم حسنین) پاکستان تحریک انصاف فرانس کے سینئر راہنما یاسر خان نے پاکستان فیسٹول فرانس کے انعقاد کو خراج تحسین پیش کرتے ہوئے کہا ہے کہ پاکستان فیسٹول فرانس پاکستانی ثقافت کا بھرپور اظہار ہے۔ دنیا کو پاکستانی ثقافت اورپاکستانی معاشرے کی مثبت تصویر دکھانا ایک قومی خدمت ہے۔
ان کا کہنا تھا کہ فرانس میں بسنے والی تمام پاکستانی کمیونٹی کو اس مقصد کیلئے آگے آنا چاہیے اور پاکستان فیسٹول فرانس کی کامیابی کیلئے بھرپور شرکت کرنی چاہیے بلکہ اس کیلئے تمام دوستوں ، عزیزواقارب، طلبا طالبات اوربچوں وغیرہ کو ساتھ لے کر آنا چاہیے تاکہ دنیا پاکستانی قوم کی مثالی رواداری اور مہمان نواز ی دیکھے اور ہمارے معاشرے کا مثبت تشخص پوری دنیا میں اجاگر ہو۔
