طب کی دنیا میں انقلاب برپا کرنے والی اہم ترین دریافت ’’ایکسرے’’ کو منظر عام پر آئے 122 برس ہو گئے ہیں، دنیا بھر میں آج ریڈیالوجی کا عالمی دن منایا جارہا ہے۔

یہ دن ایکسرے کے موجد کو خراج تحسین پیش کرنے کے لئے منایا جاتا ہے، جرمنی سے تعلق رکھنے والے ولہیم کانراڈ نامی فزیسٹ نے 8 نومبر 1895 کو یہ شعائیں دریافت کی تھیں، جس کے بعد ریڈیالوجی کا ایک پورا شعبہ وجود میں آگیا۔ آج دنیا کے ہر خطے میں لوگ اس سے مستفید ہو رہے ہیں، پوری دنیا کے ریڈیو گرافر ہر سال 8 نومبر یہ دن ایک یاد کے طور پر مناتے ہیں۔

ریڈیالوجی کو خصوصاً آج کے دور میں بہت سی بیماریوں کی تشخیص کے لئے ایک بڑا اہم اور بہترین ذریعہ مانا جاتا ہے۔

اس شعبے میں مزید تحقیق کا عمل جاری ہے اور انسان اپنی ضرورت کے مطابق طب کے سلسلے میں نئی سے نئی ایجادات کر رہاہے۔