لاہور (ویب ڈیسک) ٹاپ پاکستانی ماڈل صدف کنول کو پرستار نے ملاقات کے عوض ایک کروڑ ڈالر کی پیشکش کردی۔صدف کنول ان دنوں تھائی لینڈ میں موجود ہیں جہاں سے وہ اپنی مختلف سرگرمیوں کی تصاویر سوشل میڈیا پر تسلسل سے پوسٹ کررہی ہیں۔ صدف کنول نے گزشتہ روز جب اپنی چند بولڈ تصاویر پوسٹ کیں تو ان کے ایک پرستار نے کہا وہ ان سے ملنے کا خواہش مند ہے چاہے اس کے لئے اسے ایک کروڑ ڈالر ہی کیوں نہ خرچ کرنا پڑے۔ پرستار کی اس خواہش پر صدف کنول نے تو کسی ردعمل کا اظہار نہیں کیا البتہ بہت سے صارفین نے مذکورہ شخص کو کھری کھری سناتے ہوئے اوقات میں رہنے کا مشورہ دیا۔ واضح رہے کہ صدف کنول ماڈلنگ کے ساتھ ساتھ اب باقاعدگی سے اداکاری بھی کررہی ہیں۔