ممبئی (نیوز ڈیسک ) چھوٹے نواب سیف علی خان کی پہلی بیوی امرتا سنگھ سے پیدا ہونے والی بیٹی سارہ علی خان اب بالی وڈ میں قدم رکھ چکی ہے جبکہ انکی سوشل میڈیا پر وائرل ہونے والی تصاویر پہلی ہی مداحوں کو اپنے سحر میں مبتلا کر چکی ہیں اور مداح انکی ایک جھلک دیکھنے
کے لیے بے قرار دکھائی دیتے ہیں تاہم اب سارہ علی خان نے مداحوں کا انتطار ختم کرتے ہوئے ایسا کام کرنے کا اعلان کر دیا ہے کہ مداح جھوم اُٹھے ہیں۔ سارہ علی خان ”کافی ود کرن” سیزن 6 میں والد سیف علی خان کے ساتھ اپنا پہلا انٹرویو دینے کا اعلان کر دیا ہے ۔ بھارتی ذرائع ابلاغ کے مطابق ریڈیو پر اپنا شو ہوسٹ کرنے کے بعد پروڈیوسر ڈائریکٹر کرن جوہر اپنے مشہور ٹاک شو ”کافی ود کرن” کے چھٹے سیزن کو لے کر آنے والے ہیں۔اس شو کے پہلے ایپی سوڈ کی شوٹنگ ہو چکی ہے اوراس مرتبہ کے سیزن کی شروعات سیف علی خان کی بیٹی سارہ علی خان کے ساتھ ہوگی۔واضح رہے سیف علی خان اور امرتا سنگھ کی بیٹی سارہ علی خان کی پہلی فلم کیدر ناتھ سے پہلے یہ ان کا پہلا انٹرویو ہوگا اور اس انٹرویو میں سارہ کے والد سیف علی خان بھی نظر آئیں گے۔
