لاہور( ویب ڈیسک )رہبر کمیٹی کے فیصلے کے مطابق متحدہ اپوزیشن آج (جمعرات) 25 جولائی کو یوم سیاہ منائے گی ، اپوزیشن کی جانب سے عام انتخابات میں مبینہ دھاندلی کیخلاف صوبائی دارالحکومتو ں میں احتجاجی جلسے منعقد کئے جائینگے، جبکہ پاکستان تحریک انصاف کی جانب سے 25مئی 2018ء کو انتخابات میں کامیابی کی خوشی میں یوم تشکر منایا جائیگا۔ تحریک انصاف نے پنجاب اسمبلی میں 25 جولائی کو یوم تشکر منانے کے مطالبے کی قرارداد جمع کروا دی ہے ۔ وفاقی وزیر برائے ایوی ایشن غلام سرور خان نے کہا ہے کہ آج ہم یوم تشکر منائینگے، ہمارے پاس مینڈیٹ ہی احتساب کا ہے ہم اس سے پیچھے نہیں ہٹ سکتے۔تفصیلات کے مطابق متحدہ اپوزیشن جماعتوں کے رہنمائوں پر مشتمل رہبر کمیٹی نے عام انتخابات میں مبینہ دھاندلی کے خلاف 25جولائی کو یوم سیاہ منانے کا اعلان کیا تھا جس کے مطابق آج25 جولائی صوبائی دارالحکومتوں میں احتجاجی جلسے منعقد کئے جائینگے جبکہ دیگر مقامات پر بھی احتجاجی مظاہرے کئے جائینگے۔ جلسوں کے لئے مختلف سیاسی جماعتوں کو میزبانی سونپی گئی ہے اور اس سلسلہ کی مرکزی تقریب پشاور میں ہو گی جس سے مرکزی قائدین خطاب کرینگے۔ دوسری جانب ایک خبر کے مطابق وزیراعظم عمران خان نے کہا ہے کہ ہمیں ایک عظیم ملک بننا ہے، علامہ اقبال کا خواب پورا کرینگے، امریکا سے وطن واپسی پر اسلام آباد ائیر پورٹ پر پی ٹی آئی کے رہنمائوں اور کارکنوں نے وزیراعظم عمران خان کاپرتپاک اور تاریخی استقبال کیا ، اس موقع پر ڈھول کی تاپ پر رقص کیا گیا ، ائیر پورٹ خیرمقدمی نعروں سے گونج اٹھا، ائیر پورٹ پہنچنے پر اپنے خطاب میں انہوں نے رات کے اس پہر پر استقبال پر کارکنوں کا شکریہ ادا کیا ، ان کا کہنا تھا کہ ایسا معلوم ہوتا ہے کہ باہر دورے سے نہیں ورلڈ کپ جیت کرآرہا ہوں ، عمران خان نے کہا کہ اللہ نے ہمیں 27رمضان کو ملک دیا ، یہ خاص ملک ہے ، یہ واحد ملک تھا جو اسلام کے نام پر بنا تھا ، چاہتا ہوں اس چیز کو کبھی نہ بھولیں کہ ہم نے ایک عظیم قوم بننا ہے ،
