مرنے والے افراد حاصلپور جا رہے تھے ، ٹرک ڈرائیور جائے حادثہ سے فرار ہونے میں کامیاب ، گرفتاری کیلئے کوششیں جاری
وہاڑی: وہاڑی کے نواحی علاقہ لڈن کے قریب مین حاصلپور روڈ پر تیز رفتار ٹرک بے قابو ہو کر موٹر سائیکل پر چڑھ گیا جس کے نتیجہ میں موٹر سائیکل سوار جمالپور کے رہائشی دو خواتین سمیت ایک ہی خاندان کے تین افراد جاں بحق ہوگئے ہیں۔ عینی شاہدین کے مطابق ٹرک اور موٹر سائیکل دونوں ہی وہاڑی سے حاصلپور کی طرف جا رہے تھے کہ تیز رفتار ٹرک نے موٹر سائیکل سوار افراد کو کچل ڈالا اور ٹرک ڈرائیور موقع سے فرار ہونے میں کامیاب ہو گیا۔ جاں بحق ہونیوالے افراد کے ورثاء کا پتہ لگانے کی کوشش کی جا رہی ہے ۔ جاں بحق ہونیوالوں میں ایک شخص کی شناخت اقبال کے نام سے ہوئی ہے۔
