Shahi, Syed, ANP, Sindh

عوامی نیشنل پارٹی سندھ کے صدر سینیٹر شاہی سید نے کہا ہے کہ ملک میں جاری اداروں کی جنگ نوازشریف اور جمہوریت کے مفاد میں نہیں ہے۔لانڈھی مظفر آباد کالونی میں جلسے سے خطاب میں شاہی سید نے کہا کہ مضبوط ادارے مضبوط پاکستان بنائیں گے، 12 مئی کو عدلیہ کی آزادی کے لئے پختونوں نے قربانی دی ۔

ان کا مزید کہناتھاکہ کراچی آپریشن اے این پی کے مطالبے پر شروع ہوا اور3 سال میں ان کی جماعت کا کوئی کارکن بھتہ خوری یا دہشت گردی میں گرفتار نہیں ہوا۔شاہی سید نے یہ بھی کہا کہ کراچی کی تعمیر و ترقی میں پختونوں نے اہم کردار ادا کیا اگر کوئی یہ سمجھتا ہے کہ پختون یہاں سے چلے جائیں تو اس کا یہ خواب کبھی پورا نہیں ہو گا۔اے این پی کے صوبائی صدر نے مطالبہ کیا کہ نادرا اہلکار قومی شناختی کارڈ کے حصول میں پختونوں کو بلاجواز تنگ کرنا بند کریں۔جلسہ میں مختلف جماعتوں کے کونسلرز اور دیگر شخصیات نے اے این پی میں شمولیت کا اعلان کیا