ڈھاکہ….انڈر 19 ورلڈ کپ کے آخری لیگ میچ میں پاکستان نے سری لنکا کو 23 رنز سے ہرا کر پول میں پہلی پوزیشن حاصل کرلی ،قومی ٹیم 8فروری کو ویسٹ انڈیز کے خلاف کوارٹر فائنل کھیلے گی ۔
ڈھاکہ میں کھیلے گئے میچ میںسری لنکا نے ٹاس جیت کر فیلڈنگ کا فیصلہ کیا،پاکستان ٹیم 48.4 اوورز میں 212 رنز بنا کر آؤٹ ہوگئی،حسن محسن 86 رنز بنا کر نمایاں رہے۔جواب میں سری لنکا کی ٹیم پاکستانی بولرزکی شاندار بولنگ کی بدولت 46.4 اوورز میں 189 رنز بنا کر پویلین لوٹ گئی،کمیندو مینڈس 68 اور وشاد رندیکا 46 رنز بناسکے۔پاکستان کی جانب سے شاداب خان نے 3کھلاڑیوں کو آؤٹ کیا۔ اس جیت کے ساتھ ہی پاکستان نے گروپ بی میں پہلی پوزیشن حاصل کی اورساتھ ہی 8 فروری کو ویسٹ انڈیز کے خلاف کوارٹر فائنل بھی کھیلے گا۔
