ٹرمپ انتظامیہ نے مصر کی تنظیم اخوان المسلمین کو دہشت گرد قرار دینے اور اس پر پابندیاں عائد کرنے پر غور شروع کردیا۔

Trump administration consider to declare as terrorist to Ikhwan ul muslimeen

امریکی میڈیا کے مطابق امریکی صدر ڈونلڈ ٹرمپ حکومت کے قریبی ذرائع نےانکشاف کیا ہےکہ نئی ٹرمپ انتظامیہ مصر کی تنظیم اخوان المسلمین کو امریکی وزارت خارجہ اور خزانہ کی کالعدم تنظیموں کی فہرست میں شامل کرنے پرغور کررہی ہے۔ذرائع کےمطابق امریکا کے قومی سلامتی کے مشیر مائیکل فلین اور ان کی ٹیم اخوان المسلمین کو کالعدم تنظیم قرار دینے کےحق میں ہے، مگر تاحال یہ واضح نہیں کہ اخوان المسلمین کوکب کالعدم قرار دیاجائے گا اورکیا واقعی امریکی حکومت ایسا کرنےجارہی ہے یا نہیں؟ کیونکہ ٹرمپ انتظامیہ کو یہ خدشہ بھی ہے کہ ایسا کرنے کی صورت میں خطے کے دیگر ممالک خاص طور پر ترکی کے ساتھ تعلقات میں کشیدگی آسکتی ہے۔