ایکشن کے دیوانے تیار ہوجائیں کیونکہ مار دھاڑ اور ایڈونچر سے بھرپور ویڈیو گیم’ہوریزون زیرو ڈان‘کا نیا ٹریلر جاری کردیا گیاہے۔
نیدرلینڈ ویڈیو گیم ڈیولپرزگوریلا گیمزکے تیار کردہ اس گیم میں جدید ہتھیاروں سے لیس ایسی طاقتورمشینیں دکھائی گئی ہیں جو صدیوں قبل دنیا پر قابض اور انسانوں کو غلام بنانے کی خواہشمند تھیں،ان سے مقابلے کیلئے بہادر جنگجوؤں کا گروہ میدان میں آتا ہے جن کی لیڈر ایک بہادر لڑکی ہوتی ہے اور نشانے بازی میں اپنا ثانی نہیں رکھتی۔ سنسنی،تھرل اور ایکشن پر مبنی اس ویڈیوگیم میں کئی خطرناک مشن متعارف کروائے گئے ہیں جو نشانے بازی اور ایکشن کے شوقین افراد کو اگلے لیول تک پہنچانے میں اہم کردار ادا کریں گے۔ بہادر اور مہارت سے اپنے حریف کو پچھاڑتے جنگجوؤں کے گرد گھومتا یہ ویڈیو گیم خصوصی طور پرپلے اسٹیشن فورکیلئے موزوں ہے جو سونی انٹر ایکٹیو انٹرٹینمنٹ کے تحت 28فروری کو لانچ کیاجائے گا۔
