درخواست میں بتایا گیا کہ انسداد دہشت گردی کی خصوصی عدالت کا فیصلہ قانون کی منشا کے برعکس ہے
لاہور: پاکستان عوامی قیادت نے سانحہ ماڈل ٹاون کی عدالتی تحقیقات کی رپورٹ کو عدالتی ریکارڈ کا حصہ بنانے کیلئے لاہور ہائی کورٹ سے رجوع کر لیا ہے ۔
عوامی تحریک نے لاہور ہائیکورٹ میں ایک درخواست دائر کی جس میں کہا گیا کہ انسداد دہشت گردی کی خصوصی عدالت نے سانحہ ماڈل ٹاؤن کی جسٹس باقر علی نجفی پر مشتمل جوڈیشل کمیشن کی رپورٹ کو مقدمہ کے ریکارڈ کا حصہ بنانے کے لیے درخواست مسترد کر دی ہے ۔ درخواست میں بتایا گیا کہ جوڈیشل کمیشن کی رپورٹ میں سانحہ کے بارے میں مستند تحقیقاتی دستاویز ہے اور ان دستاویزات سے عدالتی کو بہتر معاونت ملے گی ۔ اس کے ساتھ جوڈیشل کمیشن کی رپورٹ کے بغیر سانحہ ماڈل ٹاون کے ذمہ داران کا تعین نہیں کیا جاسکتا ۔
درخواست میں بتایا گیا کہ انسداد دہشت گردی کی خصوصی عدالت کا فیصلہ قانون کی منشا کے برعکس ہے ۔ درخواست میں استدعا کی گئی کہ انسداد دہشت گردی کی خصوصی عدالت کی جانب سے جوڈیشل کمیشن کی رپورٹ مقدمہ کے ریکارڈ کا حصہ بنانے کے فیصلے کو کالعدم قرار دیا جائے اور کمیشن کی رپورٹ کو عدالتی ریکارڈ کا حصہ بنانے کا حکم دیا جائے ۔
