جیکب آباد میں پولیس اورحساس اداروں کی کارروائی کے دوران بم دھماکوں کی متعددوارداتوں میں ملوث 3دہشت گردگرفتارکر لیے گئے۔
پولیس کے مطابق خفیہ اطلاع پر بلوچستان کے علاقے اوستہ محمد سے جیکب آباد آنے والے لنک روڈ پر تاجا شاخ کے مقام پر چھاپا مار کارروائی کی گئی ، جس کے دوران 3 ملزمان کو گرفتار کرکے اُن کے قبضے سے 3 کلو بارودی مواد برآمد کرلیا گیا۔
گرفتار ملزمان نے انکشاف کیا ہے کہ وہ 2 فروری 2015 کو نور واہ پُل کے نزدیک ریلوے ٹریک پر ہونے والے دھماکے میں ملوث تھے،جبکہ 28 جون کو جیکب آباد کی ڈسٹرکٹ جیل کے نزدیک ہونے والا بم دھماکا بھی انہوں نے ہی کیا تھا ۔ پولیس کے مطابق دہشت گردوں سے3کلوبارودی موادبرآمد ہوا ہے۔اس کے علاوہ وہاڑی،وزیرآباد اور بھکر سے 24 افراد گرفتارکیے گئے ہیں۔