ملبورن …..آسٹریلیانے بھارت کو تیسرے ایک روزہ میچ میں3وکٹوں سے شکست دے دی، سیریز میں تین۔صفر کی برتری حاصل کرلی۔ ویرات کوہلی کی سنچری بھی ٹیم کے کام نہ آئی۔
ملبورن کرکٹ گرائونڈ پر کھیلے گئے میچ میں بھارت نےپہلے بیٹنگ کرتے ہوئے مقررہ 50اوورز میں 295رنز بنائے، ویرات کوہلی117، شیکھر دھوان68اور رہانے 50رنز کے ساتھ نمایاں رہے۔آسٹریلیا کی طرف سے ہیسٹنگ نے 4وکٹیں حاصل کیں۔
جواب میں آسٹریلیا نے مطلوبہ ہدف 48اعشاریہ 5اوورز میں 7وکٹوں کے نقصان پر حاصل کرلیا، میکسویل نے 96رنز کی اننگز کھیلی جبکہ مارش نے62اور اسمتھ نے41رنز بنائے۔5میچوں کی سیریز میں آسٹریلیا کو تین۔صفر کی برتری حاصل ہوگئی ہے۔
