اسلام آباد: پاکستان تحریک انصاف (پی ٹی آئی) کے چیئرمین عمران خان نے محمود خان کو وزیراعلیٰ خیبر پختونخواہ نامزد کردیا ہے جس کے بعد خبروں، تبصروں اور تجزیوں کا سلسلہ جاری ہے۔
کچھ لوگوں کا کہنا ہے کہ عمران خان نے سابق وزیراعلیٰ خیبرپختونخواہ پرویز خٹک کے دباﺅ میں آ کر محمود خان کو وزیراعلیٰ کے پی کے نامزد کیا ہے جبکہ عمران خان کے حامی اس کی تردید کرتے ہیں جن کا کہنا ہے کہ عمران خان نے صرف اور صرف میرٹ اور کارکردگی کی بنیاد پر انہیں نامزد کیا ہے۔
یہ بحث ابھی جاری ہے اور اس دوران ہی سوشل میڈیا پر ایک پرانی ویڈیو وائرل ہو گئی ہے جس میں عمران خان محمود خان کی تعریف کرتے ہوئے دیکھے جاسکتے ہیں اور اس سے یہی اندازہ لگایا جا سکتا ہے کہ عمران خان نے محمود خان کو کارکردگی کی بنیاد پر وزیراعلیٰ بنانے کا فیصلہ کیا ہے۔ اس ویڈیو میں عمران خان کو یہ کہتے سنا جاسکتا ہے کہ محمود خان بڑے ہی سادہ اور اچھے آدمی ہیں اور اچھے کاموں میں اپنا نام سامنے نہیں لے کر آتے۔
