پنجاب میں یکم فروری سے اسکول نہیں کھلیں گے۔ پرائیویٹ اسکولز ایسوسی ایشن نے حکومت کی جانب سے سیکیورٹی ملنے تک تعلیمی ادارے بند رکھنے کا اعلان کر دیا۔ ادھر وزیر تعلیم رانا مشہود کہتے ہیں پیر کو بچے اسکول جائیں گے۔
لاہور: (یس اُردو) پنجاب کے اسکول یکم فروری کو کھلیں گے یا نہیں،والدین کشمکش میں پھنس گئے۔ آل پاکستان پرائیویٹ اسکولز فیڈریشن کے صدر کاشف مرزا نے دنیا نیوز سے گفتگو میں کہا کہ سیکورٹی فراہم کرنا حکومت کی ذمہ داری ہے جب تک سیکیورٹی نہیں ملے گی اسکول نہیں کھولے جائیں گے۔ انہوں نے مقدمات کے خاتمے کا بھی مطالبہ کیا۔ وزیر تعلیم پنجاب رانا مشہود نے دنیا نیوز سے خصوصی گفتگو میں کہا کہ حکومت نے تمام انتظامات مکمل کر لیے ہیں۔ پیر سے تعلیمی ادارے کھل جائیں گے۔ رانا مشہود نے کہا کہ پرائیویٹ اسکول فیڈریشن کے ساتھ مذاکرات کے بعد تمام مسائل حل کریں گے۔ تعلیمی ادارے کھولنے کے حوالے سے حتمی فیصلے کے لیے اہم اجلاس کل ہو گا
