لاہور(ویب ڈیسک) باب پاکستان کا آرکیٹیکٹ لاہور میں اپنے گھر میں پر اسرار طور پر مردہ پائے گئے ، تفصیلات کے مطابق واپڈا ٹاؤن میں گھر میں60سالہ آرکیٹیکٹ کی لاش پراسرار حالات میں برآمد کی گئی ہے ۔ ستوکتلہ کے علاقہ واپڈا ٹاؤن کے رہائشی آرکیٹیکٹ امجد مختارنے دوشادیاں کر رکھی تھیں۔

آرکیٹیکٹ امجد مختار باب پاکستان کے بھی آرکیٹیکٹ تھے۔ گزشتہ روز وہ گھر میں اپنے بستر پر پراسرار طور پر مردہ حالت میں پائے گئے ہیں۔ پولیس کے مطابق متوفی کے بازؤں پر انجکشن کے نشانات بھی ہیں۔ اصل حقائق پوسٹ مارٹم رپورٹ کے بعد سامنے آئیں گے جس کی روشنی میں مزید کارروائی کی جائے گی۔ دوسری جانب لاہور ہی سے ایک اور خبر کے مطابق اقبال ٹاؤن نجف کالونی سے دو روز قبل اغوا ہونیوالے9 سالہ بچے علی رضا کو ملزمان نے زیادتی کے بعد بیہمانہ تشددکا نشانہ بنا کر قتل کردیا۔ نعش شیرا کوٹ موٹر وے ٹول پلازہ کے قریب گڑھے سے برآمد کرلی گئی۔ واقعہ پر اہل علاقہ اور ورثا پولیس کے خلاف سراپا احتجاج بن گئے۔ بعدازاں پولیس نے مبینہ مقابلے میں ایک ملزم نعیم کو ہلاک جبکہ اسکے ساتھی عثمان کو گرفتار کرلیا۔ پولیس کے مطابق مقتول بچے کے لواحقین نے ون فائیو پر کال کر کے مبینہ ملزم نعیم کی موجودگی کی اطلاع پولیس کی جس پر پولیس نے موقع پر پہنچ کرملزم نعیم کو گرفتار کر لیا ۔ پولیس گرفتار ملزم نعیم کو جائے وقوعہ پر لے جارہی تھی کہ ملزم کے ساتھیوں نے فائرنگ کردی، پولیس نے جوابی فائرنگ کی جس سے ملزم نعیم ہلاک ہو گیا

جبکہ پولیس نے اسکے ایک ساتھی عثمان کوگرفتار کرلیا۔ ملزم نعیم کی نعش پوسٹ مارٹم کیلئے مردہ خانے منتقل کردی گئی۔ مبینہ پولیس مقابلے میں ملزم نعیم کی ہلاکت پر بچے کے لواحقین نے بھی تصدیق کردی کہ انکے بچے کو مبینہ طور پر اسی شخص نے اغوا کیا تھا۔ پولیس نے بچے کی نعش پوسٹ مارٹم کے بعد لواحقین کے حوالے کردی۔ نعش گھر پہنچتے ہی کہرام مچ گیا۔ دوسری طرف 29 ستمبر کو نشتر کالونی میں زیادتی کا نشانہ بننے والی 20 سالہ (ک) سے زیادتی کرنے والے ملزموں عامر افضال، حیدر علی اور دیگر کی گرفتاری کیلئے پولیس نے چھاپے مارنا شروع کر دئیے ہیں۔ تاحال کوئی گرفتار ی عمل میں نہ آسکی۔ علاوہ ازیں دیگر واقعات میں تین لڑکوں، دو بچیوں اور شادی شدہ سمیت دو خواتین کو زیادتی کا نشانہ بنا دیا گیا۔ بدوملہی کے نواحی گائوں سیان کی 14 سالہ (ر) کو ملزم عابد حسین نے اغوا کے بعد زیادتی کا نشانہ بنایا۔ نارنگ منڈی میں اندرون شہر صدر بازار سے ملحقہ آبادی میں 12 سالہ یتیم بچے علی کو چار نامعلوم افراد نے بہلا پھسلا کر ہوس کا نشانہ بنایا جبکہ وزیر آباد میں پانچ سالہ ایمان فاطمہ کو نامعلوم ملزم، کمالیہ میں ملزمان ندیم وغیرہ نے 20 سالہ نوجوان ، سرگودھا میں 16 سالہ لڑکے انس کو ملزمان عثمان اور عبد اللہ، ڈسکہ میں شادی شدہ خاتون طاہرہ بی بی کو کو ملزم عادل اور عرفان اور حجرہ شاہ مقیم میں مقدس بی بی کو ملزم مقبول نے دو ساتھیوں سے ملکر زیادتی کا نشانہ بنایا۔