The Pakistani team has enough to beat India, Abdul Razzaq

کراچی: سابق قومی آل راؤنڈر عبدالرزاق کا کہنا ہے کہ بھارت کو چیمپئنز ٹرافی میں ہرانے کیلئے پاکستانی ٹیم کافی ہے حالانکہ اس کے پاس بگ ہٹرز کی کمی محسوس کی جا رہی ہے۔ ان کا کہنا تھا کہ موجودہ ٹیم میں شرجیل خان اور عمر اکمل جیسے جارحانہ انداز کے بیٹسمین موجود نہیں لیکن اس کے باوجود پاکستان کی جو بھی ٹیم میدان میں اتاری جائے گی اس میں اتنی اہلیت ہے کہ بھارتی ٹیم کو شکست سے دوچار کر دے ۔ سابق آل راؤنڈر کا کہنا تھا کہ پاکستانی ٹیم کے پاس اب بھی احمد شہزاد،بابر اعظم،اظہرعلی اور شعیب ملک جیسے بیٹسمین موجود ہیں جبکہ سرفراز احمد اور عماد وسیم بھی اپنا موثر کردار نبھا سکتے ہیں کیونکہ پاکستان کا عمدہ بائولنگ اٹیک بھی ان کی پشت پناہی کرنے کیلئے تیار ہوگا۔