The meeting of the Panama Investigation Committee, Chairman SECP Zafar Hijazi also presented

اسلام آباد: چیئرمین سیکورٹی اینڈ ایکسچینج کمیشن آف پاکستان پاناما لیکس مشترکہ تحقیقاتی ٹیم کے سامنے پیش ہو گئے ۔ چودھری شوگر مل سمیت شریف خاندان کی دیگر کمپنیوں کا ریکارڈ بھی جے آئی ٹی میں پیش کر دیا ۔ پناما لیکس جے آئی ٹی کا اجلاس ایڈیشنل ڈی جی ایف آئی اے واجد ضیا کی سربراہی میں جاری ہے ۔ اسلام آباد میں جوڈیشل اکیڈمی کے باہر سیکورٹی کے سخت انتظامات کیے گئے ہیں ۔ ذرائع کے مطابق چیئرمین ظفر حجازی سمیت ایس ای سی پی کے پانچ افسران جے آئی ٹی میں پیش ہوئے اور چوہدری شوگر ملز اور شریف خاندان کی دیگر کمپنیوں کا ریکارڈ بھی ساتھ لائے ۔ ذرائع کا کہنا ہے کہ مشترکہ تحقیقاتی ٹیم آج شریف فیملی کے ٹیکس گوشواروں سمیت کاروبار سے متعلق ریکارڈ کا جائزہ لے رہی ہے۔