امریکہ کے ایک ایئرپورٹ پر گزشتہ روز ایک ایسا منظر دیکھنے کو ملا کہ جسکی مثال اس سے پہلے کسی نے نہیں دیکھی تھی۔ ایئرپورٹ پر ایک خاتون اپنے ساتھ پالتو مور کو بھی لے آئی اور اصرار کرنے لگی کہ وہ اسے جہاز میں اپنے ساتھ ہی بٹھائے گی۔ اس خاتون نے یونائیٹڈ ایئرلائن کی نوآرک سے لبرٹی انٹرنیشنل ایئرپورٹ جانیوالی پرواز میں سوار ہونا تھا لیکن اسکا مور ایئرپورٹ سٹاف کیلئے درد سر بن گیا۔

خاتون کو سمجھایا گیا کہ وہ مور کو جہاز میں نہیں لے جا سکتی مگر اسکا کہنا تھا پالتو مور اسکا جذباتی سہارا ہے اور وہ اسکے بغیر سفر نہیں کر سکتی۔ خاتون نے مور کیلئے علیحدہ ٹکٹ بھی لے رکھا تھا اور وہ اس بات پر سخت برہم تھی لیکن اسکے باوجود اسے اپنا مور ساتھ لیجانے کی اجازت نہیں دی جا رہی تھی۔