The Government is committed to equal rights for minorities, Prime Minister
وزیر اعظم نواز شریف نے کہا ہے کہ حکومت اقلیتوں کے مساوی حقوق کےلیے پر عزم ہے،ہندو برادری اور دوسری اقلیتوں کا ملکی ترقی میں کردار قابل تحسین ہے۔
دیوالی کے موقع پر وزیر اعظم نواز شریف نے ہندو برادری کو مبارکباد کے پیغام میں کہا کہ دیوالی روشنیوں اور خوشیوں کا تہوار ہے، اس تہوار پر ضرورت مندوں کی مدد کریں اور اپنے سے کم حیثیت لوگوں کو یاد رکھیں۔
وزیر اعظم نے کہا کہ پاکستان کے سماجی، معاشی اور سیاسی میدان میں ہندو برادری کے لوگوں کا کردار قابل تحسین ہے،متنوع مذہبی عقائد ہمارے ملک کی مضبوطی کا ذریعہ ہیں۔
انہوں نے کہا کہ بابائے قوم نے تمام اقلیتوں کو ملک میں مذہبی آزادی دی،دعا ہے کہ روشنیوں کا تہوار سب کی زندگیوں میں خوشیاں لائے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
