بیجنگ: چین میں آئی فون سے جنون کی حد تک لگاؤ کا ایک انوکھا واقعہ پیش آیا ہے جہاں ایک لڑکے نے 25 فون دے کر اپنی محبوبہ کو شادی کیلئے منا لیا ہے۔
چین کے ایک نوجوان شہری چن منگ نے گرل فرینڈ لی سے شادی کرنا چاہتا تھا لیکن وہ نہیں مان رہی تھی۔ اس موقع پر نوجوان کے ذہن میں اپنی محبوبہ کو پرپوز کرنے کا ایک انوکھا طریقہ ذہن میں آیا۔ اس نے شادی کی خواہش کا اظہار کرنے کیلئے اپنی محبوبہ کی سالگرہ کا دن منتخب کیا اور سرپرائز پارٹی منعقد کی جس میں انہوں نے اپنے تمام دوستوں کو بھی دعوت دی۔
چن منگ نے اس سرپرائز پارٹی میں سمارٹ فون آئی فون ایکس کے 25 سیٹوں کی مدد سے ایک بڑا سا دل بنایا، اس کے ارد گرد گلاب کی پتیاں رکھیں جس کے درمیان میں ایک خوبصورت انگوٹھی موجود تھی۔ یہ دیکھ کر لی دنگ رہ گئی اور اس نے شادی کیلئے فوری طور پر ہاں کر دی۔