لاہور(ویب ڈیسک) معروف اداکارہ زویا چوہدری کی اپنے شوہر سے راہیں جدا ، تفصیلات کے مطابق سٹیج کی معروف اداکارہ زویہ چوہدری نے اپنے شوہر سے علیحدگی کے لئے خلع کی درخواست کورٹ میں دے دی ،اداکارہ نے 2013میں شوبز میں آنے سے پہلے شادی کی تھی اب انہوں نے کسی پرابلم کی وجہ سے اپنے شوہر سے علیحدگی اختیار کر لی ہے اور خلع کے لئے کورٹ میںد رخواست بھی دے دی ہے ، اس حوالے سے اداکارہ سے رابطہ کرنے پر اداکارہ نے اپنے شوہر سے علیحد کی تصدیق کر دی ہے مگر انہوں ابھی کوئی وجہ نہیں بتائی فیملی پرابلم ہے کسی کو بتان نہیں چاہتی ۔ دوسری جانب ایک خبر کے مطابق نامور پاکستانی اداکارہ مہوش حیات نے پاکستانی گانے چرانے اوربھونڈے انداز میں ریمکس کرنے پر بالی ووڈ کو آڑے ہاتھوں لے لیا۔ چند روز قبل عالیہ بھٹ کی ایک میوزک ویڈیو ’’پراڈا‘‘ منظر عام پر آئی تھی، جو دراصل ملکہ ترنم نورجہاں کے 32 سال پرانے فلمی نغمے’’کالے رنگ کا پراندا‘‘ اور پاکستانی پاپ بینڈ وائٹل سائنز کے 27 سال پرانے گانے’’گورے رنگ کا زمانہ‘‘ کی بھونڈی نقل تھی۔ سوشل میڈیا پر عالیہ بھٹ اور بھارتی بینڈ ’’دوربین‘‘ کو پاکستانی گانے چرا کران کے بھونڈے ریمیکس بنانے کے لیے شدید تنقید کا نشانہ بنایا گیا۔ اداکارہ مہوش حیات بھی پیچھے نہیں رہیں۔ مہوش حیات نے سوشل میڈیا پر بھارتیوں کی پاکستانی گانے چرانے کی روایت کو آڑے ہاتھوں لیتے ہوئے کہا یہ بہت عجیب بات ہے کہ ایک طرف تو بھارت پاکستان کو رسوا کرتا ہے اور دوسری طرف ہمارے ہی گانے ہماری اجازت کے بغیر چراتا ہے۔ بالی ووڈ کے نزدیک کاپی رائٹ کی خلاف ورزی اور رائلٹی کی ادائیگی کی کوئی اہمیت نہیں۔ مہوش حیات کی اس ٹوئٹ نے بھارتی میڈیا میں ہنگامہ مچا دیا ہے اور بھارتی میڈیا اپنی صفائیاں پیش کرتے ہوئے اس حقیقت کو مہوش حیات کا الزام قرار دے رہا ہے۔