ممبئی(ویب ڈیسک) سابق مس یونیورس اور نامور بالی ووڈ اداکارہ سشمیتا سین نے خود سے 15 سال چھوٹے ماڈل روہمن شاول کے ساتھ تعلقات کا اعتراف کرلیا۔ اداکارہ سشمیتا سین کا نام سابق پاکستانی کرکٹر وسیم اکرم، ہدایت کار وکرم بھٹ اور اداکار رندیپ ہوڈا سمیت متعدد شخصیات کے ساتھ لیا
جاچکا ہے تاہم کسی کے ساتھ بھی سشمیتا کا تعلق زیادہ دن تک برقرار نہ رہ سکا اور اب ایک بار پھر سشمیتا کو محبت ہوگئی ہے۔ بھارتی میڈیا کے مطابق 42 سالہ اداکارہ سشمیتا سین اور 27 سالہ بھارتی ماڈل روہمن شاولگزشتہ کافی دنوں سے ایک ساتھ دیکھے جارہے تھے لیکن دونوں نے اپنے تعلقات پر خاموشی اختیار کی ہوئی تھی اور اب سشمیتا نے انسٹاگرام پر تصویر اور ویڈیو شیئر کی ہے جس میں وہ اورروہمن دیگر افراد کے ہمراہ محبت کی نشانی تاج محل میں موجود ہیں کیپشن میں سشمیتا نے لکھا ’’ایک بار پھر محبت ان کی زندگی میں شامل ہوگئی ہے‘‘ ۔سشمیتا کے اس پیغام سے صاف ظاہر ہے کہ دونوں ایک دوسرے کے بہت نزدیک آگئے ہیں ، بھارتی میڈیا کے مطابق روہمن اور سشمیتا کچھ ماہ قبل فیشن شو کے دوران ایک دوسرے سے ملے تھے۔ دوسری جانب ایک خبر کے مطابق بالی ووڈ حسینہ سشمیتا سین نے ڈھلتی عمر چھپانے کیئے اپنے چہرے کی سرجری کروالی‘ سشمیتا کی تصاویر سوشل میڈیا پر وائرل ہوگئیں۔ بھارتی میڈیا رپورٹس کے مطابق1994 میں مس یونیورس کا اعزاز حاصل کرنے والی سشمیتا نے اپنی ڈھلتی عمر کو چھپانے کے لئے چہرے کی سرجری کروالی اور اپنی تصاویر سوشل میڈیا پر شیئر کیں جنہیں دیکھ کر ان کے مداح حیران رہ گئے۔42 سالہ اداکارہ نے جو تصویر شیئر کیں ان میں وہ پہلے سے زیادہ حسین دکھائی دے رہی ہیں۔ تاہم ناقدین ان کے چہرے کی سرجری کو بڑھتی ہوئی عمر کے اثرات کو زائل کرنے کی کوشش قرار دے رہے ہیں۔
معروف اداکارہ نے خود سے 15 سال چھوٹے ماڈل کے ساتھ معاشقے کا اعتراف کر لیا
