ایک منٹ 30 سیکنڈ سے بھی کم دورانیہ کا ٹیزر ٹریلر ایک ایسے موقع پر جاری کیا گیا، جب کہ اس فلم کو ’کانز‘ فلمی میلے میں خصوصی طور پر دکھایا جائے گا۔
فلم کی ٹیم 12 مئی کو ہی فرانس کے شہر کانز پہنچ چکی تھی، جہاں فلم کی خصوصی اسکریننگ کی جائے گی۔
، جس کی ویڈیو نوازالدین نے بھی اپنے ٹوئٹر اکاؤنٹ پر ش
نوازالدین صدیقی کی جانب سے شیئر کی گئی ’منٹو‘ ٹیزر کی ویڈیو تکنیکی وجوہات کی بناء پر ڈیلیٹ ہوگئی، تاہم ٹیزر کی ویڈیو کو دیگر افراد نے بھی اپنے یوٹیوب اکاؤنٹ پر ڈاؤن لوڈ کیا۔
پہلے ٹیزر ٹریلر میں ’منٹو‘ کی زندگی کا تقسیم برصغیر سے قبل کا حصہ دکھایا گیا ہے، جس میں متحدہ ہندوستان کے شہر ممبئی میں رہائش پذیر تھے۔
ٹیزر ٹریلر میں نوازالدین صدیقی کو سعادت حسن منٹو کے باغیانہ انداز کے اثر میں دیکھا جاسکتا ہے، وہ غصے اور منفرد انداز سے اپنے دوستوں اور اہل خانہ سے بات کرتے دکھائی دیتے ہیں۔اداکارہ رسیکا دگل منٹو کی بیوی کا کردار ادا کرتی نظر آئیں گی—اسکرین شاٹ
پہلے ہی ٹیزر میں ’منٹو‘ پر ان کے شہرہ آفاق افسانے ’ٹھنڈا گوشت‘ کی وجہ سے ان پر مقدمہ درج ہوتے ہوئے دکھایا گیا ہے، جب کہ انہیں مقدمات کی وجہ سے عدالت میں بھی پیش ہوتے ہوئے دکھایا گیا ہے۔
نواز الدین صدیقی برصغیر کے بڑے افسانہ نگار کی حیثیت میں عدالت میں پیش ہوتے ہوئے معزز جج کو بتاتے ہیں کہ وہ وہی لکھتے ہیں، جو سماج میں دیکھتے ہیں، وہ اپنی کہانیوں کو سماج کا آئینہ سمجھتے ہیں۔
ٹریلر میں منٹو کی خاندانی زندگی کو بھی دکھایا گیا ہے، جو مشکلات اور پریشانیوں کا شکار دکھائی دیتی ہے۔
ٹریلر میں منٹو اپنی اہلیہ کو کہتے نظر آتے ہیں کہ اگر وہ افسانے نہیں لکھیں گے تو بھوک مریں گے، جس پر ان کی اہلیہ انہیں کہتی ہیں کہ ان کے افسانے لکھنے کی وجہ سے ہی ان کے گھر والے بھوک مر رہے ہیں۔
نوازالدین صدیقی کو ’منٹو‘ کے روپ میں دکھاتے ہوئے انہیں ایک ہاتھ میں شراب کی بوتل تو دوسرے ہاتھ میں قلم اور کاغذ تھامے ہوئے بھی دکھایا گیا ہے۔
خیال رہے کہ اس فلم میں جہاں نوازالدین صدیقی ’سعادت حسن منٹو‘ کے روپ میں نظر آئیں گے، وہیں اداکارہ رسیکا دگل ان کی اہلیہ کا کردار نبھاتی نظر آئیں گی۔
فلم کی ہدایات معروف اداکارہ نندیتا داس نے دی ہیں، فلم کی دیگر کاسٹ میں پاریش راول، رشی کپور، طاہر راج اور روئے سنیال بھی نظر آئیں گے۔
فلم کو اگرچہ کانز میں خصوصی طور پر دکھایا جائے گا، تاہم اس کی پاکستان و بھارت میں نمائش کی تاریخ کا اعلان تاحال نہیں کیا گیا۔ امکان ہے کہ فلم کو عیدالفطر کے بعد ریلیز کیا جائے گا۔
’سعادت حسن منٹو‘ پر بننے والی یہ پہلی بولی وڈ فلم ہے، اس سے قبل 2015 پاکستان میں بھی ان کی زندگی پر ’منٹو‘ نام سے ہی فلم بنائی جا چکی ہے۔
پاکستانی فلم ’منٹو‘ میں ان کا کردار سرمد کھوسٹ نے ادا کیا تھا، جب کہ اس میں ثانیہ سعید، صبا قمر، ماہرہ خان، فیصل قریشی اور ہمایوں سعید سمیت دیگر اداکاروں نے جلوے دکھائے تھے۔
فلم کی ہدایات بھی سرمد کھوسٹ نے دی تھیں، فلم نے نہ صرف اچھے تجزیے بٹورے تھے، بلکہ اچھی کمائی کرنے میں بھی کامیاب گئی تھی۔
