چین کے خود مختار علاقے تبت کے شہر لہاسا کے تاریخی پوٹالا پیلس پر پینٹ کا کام مکمل کر لیا گیا۔ عمارت یونیسکو کے عالمی ثقافتی ورثے میں شامل ہے۔ تیرہ سو برس پرانے محل کو پینٹ کرنے کی روایت بھی تین سو برس پرانی ہے جو ہر سال انجام دی جا رہی ہے۔ عمارت کو پینٹ کرنے کے لئے تین سو مزدوروں اور رضا کاروں نے نو دن کام کیا۔ اسے رنگنے کے لئے بانوے ٹن پینٹ استعمال کیا گیا۔ ہونگشان پہاڑی پر واقع اس محل کی پہچان سرخ، سفید اور پیلا رنگ ہے۔ پوٹالا پیلس کو انیس سو چورانے میں یونیسکو نے عالمی ثقافتی ورثے میں شامل کیا تھا۔