اداکارہ زارا اکبر نے کہا کہ سابق وزیر اعظم نواز شریف کے دور میں ملک کو مثالی کامیابیاں حاصل ہوئی ہیں اور خاص طور پر پنجاب میں وزیر اعلیٰ شہباز شریف کی کاوشوں نے مسلم لیگ (ن) کو چاروں صوبوں میں مقبول بنا دیا ہے۔ انہوں نے خصوصی گفتگو کرتے ہوئے کہا کہ میٹرو بس کے بعد اب اورنج لائن ٹرین جیسے منصوبوں سے عوام کو ریلیف ملے گا۔ میں ان سے اپیل کرتی ہوں کہ وہ موٹر وے اور ہائی وے کیلئے ایک ایک ہیلی کاپٹر مخصوص کر دیں۔ ہیلی کاپٹر ایمبولینس سروس شروع کرنے سے بے شمار لوگوں کی قیمتی جانیں بچائی جا سکیں گی۔