لالہ موسیٰ(منشاء بٹ)تھانہ سٹی لالہ موسیٰ میں ہونے والی چوری وڈکیتی کی وارداتوں کاسراغ نہ لگایاجاسکا،کاروں ،موٹرسائیکلوں ودیگرمال مسروقہ کی برآمدگی ہوسکی نہ آج تک کوئی ملزم پکڑاجاسکا، اس سلسلہ میں معلوم ہواہے کہ تھانہ سٹی لالہ موسیٰ کی حدودمیں ہونے والی کاروں ،موٹرسائیکلوں کی چوری اور ڈکیتی کی درجنوں وارداتوں کا ریکارڈفائلوں کے انبارتلے دبتاچلاجارہاہے ،آنے والاہرنیاایس ایچ او ابتدائی چندروزبڑی شدت سے ان وارداتوں کو ٹریس کرنے اور ملزمان کو انصاف کے کٹہرے میں لانے کے دعوے کرتاہے ،بعدازاں روزمرہ کے کاموں میں مشغول ہوجاتاہے ،اور ان مقدمات کے مدعی بھی تھانوں کے چکرلگالگاکرتھک ہارکراور اپنے نقصان کو بھول کرگھربیٹھ جاتے ہیں،محتاط اندازے کے مطابق تھانہ سٹی لالہ موسیٰ میں ہونے والی 99فیصدوارداتوں کا ابھی تک سراغ نہیں ملااور نہ ہی تعینات افسران کو ان وارداتوں کو ٹریس کرنے سے کوئی سروکارنہیں ،جدیدسائنسی دورمیں بھی سالہاسال کے مقدمات التواء کا شکارہیں اور ان کے حوالہ سے کوئی پیش رفت نہ ہوناہمارے پولیس نظام پربڑاسوالیہ نشان بناہواہے۔