مشیراطلاعات سندھ مولابخش چانڈیونے کہا ہے کہ طلال چوہدری اپنی زبان سنبھال کر استعمال کریں، سیاسی تنقید کرنی چاہیے، بدزبانی نہیں۔
اپنے ایک بیان میں انہوں نے مزید کہا کہ اِدھر بلاول نے پنجاب میں سیاست کا آغاز کیا، اُدھر مخالفوں میں کھلبلی مچ گئی۔
مولا بخش چانڈیو کا کہنا تھا کہ بلاول بھٹو زرداری مخالفوں کے لیے سیاسی خوف کا نیا نام اور مدبر سیاستدان ہیں، طلال چوہدری کی بدزبانی ن لیگ کے خوف کا مظہر ہے۔
مشیر اطلاعات سندھ نے یہ بھی کہا کہ پہلے دن سے کہہ رہے ہیں کہ نواز شریف کے اپنے ہی اُن کے دشمن ہیں،طلال چوہدری اور ان کے ساتھیوں نے پہلے مشرف کے ساتھ جو کیا اب نواز شریف کے ساتھ بھی وہی کررہے ہیں۔
