ننکانہ صاحب(عبدالغفار)سیدوالامیں چوری و ڈکیتی کی یکے بعد دیگرے11 وارداتوں میں شہری لاکھوں روپے کے مال و زر سے محروم ہو گئے ۔بڑھتی ہوئی وارداتوں کو کنٹرول کرنے کا مطالبہ تفصیل کے مطابق نا معلوم چوروں نے گاؤں پرانا شیخ بلاول سے رائے نوشیر کی ایک بھینس،ٹھٹھہ نو ر کا سے ریاض کی بھینس ،شوکت علی کی گائے ،ٹھٹھہ رنیرہ سے علی کی دو بھینسیں ،ملکا حاجی سے سارنگ کے 6بکرے پنڈی چیری سے محنت کش نائی کی 4بکریا،چک نمبر 23سے اکبر علی کی بھینس ،مہر پور سے رحمت علی کا موٹر سائیکل ،چکنمبر 17سے خادم علی کا موٹر سائیکل،موضع رجب سے سکول ٹیچر خضر حیات کا ٹوکہ مشین چرا لی ۔جبکہ نامعلوم ڈاکوءں نے ڈی آئی جی ٹریفک پنجاب رانا محمد اقبال کے عزیز رانا حفیظ الرحمان کی 2010ماڈلXLI4048کار چھین لی .علاقہ میں مویشی چوری کی بڑھتی وارداتوں کی وجہ سے دیہاتی رات بھر جاگنے پر مجبور ہو چکے ہیں۔متاثرین و اہلیان علاقہ نے ضلع ننکانہ میں نئے تعینات ہونے والے ڈی پی او رانا ایاز سلیم سے وارداتوں کا سراغ لگانے اور روک تھام کے سلسلہ میں اقدامات اٹھانے کا مطالبہ کیا ہے ۔
