گیم تو بہت کھیل لیے، اب ہوگا حقیقت میں ڈرائیونگ کا امتحان، چین کی آڑی ترچھی رنگین سڑک سیاحوں کی توجہ کا مرکز بن گئی۔ یوں تو اکثر لوگوں نے اپنے اسمارٹ فون پر ویڈیو گیمز میں آڑی ترچھی سڑکوں پر گاڑیاں دوڑائی ہوں گی لیکن اب ان کی ڈرائیونگ کا حقیقی امتحان اس سڑک پر کار چلانا ہوگا جو چین میں خاص طور پر بنائی گئی ہے۔

چین کے شہر چونگ چنگ کے پہاڑی علاقے میں ایسی رنگین سڑک تیار کی ہے جو کسی سانپ کی طرح دکھائی دیتی ہے۔

یہ 185 میٹر طویل اور صرف 5 میٹر چوڑی رنگ برنگی سڑک ون وے ہے جبکہ اس پر زیادہ سے زیادہ 5 کلو میٹر فی گھنٹہ کی سست رفتار سے گاڑی چلانے کی اجازت ہے۔

چھ مختلف رنگوں سے سجی یہ شاندار سڑک سیاحوں کی توجہ کا مرکز بنی ہوئی ہے جہاں نہ صرف چین کے مختلف حصوں بلکہ بیرون ملک سے آنے والے سیاح بھی گاڑیاں چلا کر اپنی مہارت کا امتحان دیتے نظر آرہے ہیں۔