Babu Baral

لاہور (جیوڈیسک) تیس سال تک سینکڑوں اسٹیج ڈراموں اور بے شمار فلموں میں اداکاری کے جوہر دکھانے والے لیجنڈ ببو برال کو بچھڑے آج چار سال بیت گئے ہیں۔

گوجرانوالہ سے تعلق رکھنے والا اسٹیج کا یہ عظیم فنکار اپنے منفرد اسٹائل کے باعث شہرت کی بلندیوں تک پہنچا۔ ببو برال اسکرپٹ رائٹر اور ہدایت کار بھی تھے۔

ببوبرال نے ٹوپی ڈرامہ، شرطیہ مٹھے اور عاشقوں غم نہ کرنا جیسے بے شمار ہٹ ڈراموں میں فن کے جوہر دکھائے۔ ببوبرال نے پچاس کے قریب فلموں میں بھی اداکاری کے جوہر دکھائے۔

انہوں نے انڈسٹری کو مجھے چاند چاہئے، نو پیسہ نو برابلم، کڑیوں کو ڈالے دانہ، نکی جئی ہاں سمیت کئی ہٹ فلمیں دیں۔ 2010 ء میں ریلیز ہونے والی پنجابی فلم چناں سچی مچی ان کی آخری فلم تھی۔

ببو برال اداکاری کے ساتھ گلوکاری کے بھی شوقین تھے، انہوں نے اپنی ایک آڈیو البم بھی ریلیز کی تھی۔