میڈرڈ……ہر سال کی طرح اس سال بھی اسپین میں ڈاگ فینسی ڈریس شو کا انعقاد کیا گیاجس میں پالتو کتو ں کے ساتھ ساتھ ان کے مالکان نے بھی حصہ لیا۔
اسپین کے شہرلاس پاماس میںکتوں کی سالانہ فینسی ڈریس پریڈ کا انعقاد کیا گیاجسے دیکھنے ڈھائی ہزار سے زائد افراد نے شہر کی مرکزی شاہراہ کا رُخ کیا۔ہر سال منعقد ہونے والی اس پریڈکو کینن کارنیول ڈاگ شو کا نام دیا گیاہے۔پریڈ میں شرکت کرنے والے50سے زائد کتوں نے دلچسپ و عجیب فینسی کاسٹیومز زیبِ تن کررکھے تھے جن میں مختلف ہالی ووڈ کرداروں کی نقالی سے لیکر کارٹون کرداروں اور نامور شخصیات کے زیب تن کیے گئے مشہور ملبوسات بھی نظر آرہے تھے۔دلچسپ اندا ز کے حلیوں میں نظر آتے کتوں اور ان کے مالکان نے کہیں تو فروزن تھیم اپنائی ہوئی تھی تو کسی نے قلو پطرہ کے روپ میں شرکت کی، کوئی باربی ڈول بنا تھا تو کوئی پینٹ کوٹ اور ٹائی میں پورے ٹھاٹ سے ججز اور شرکاء کو متاثر کرنے کی کوشش کر رہا تھا۔
