گوہاٹی ……ساؤتھ ایشین گیمز کے آخری روز بھی پاکستان نے دو گولڈ میڈل جیت لیے،شاہ حسین شاہ اور فوزیہ ممتاز نے جوڈو میں طلائی تمغے حاصل کئے، گیمز میں پاکستان کی پوزیشن تیسری رہی۔
بھارت کے دو شہروں شیلونگ اور گوہاٹی میں ہونے والے 12ویں سائوتھ ایشین گیمز کے آخری روز پاکستان نے مزید دو سونے کے تمغے جیت لیے، جوڈو میں شاہ حسین شاہ حریف کو مات دی اور طلائی تمغہ سینے پر سجایا،جوڈو ہی کے ویمنز ایونٹ میں فوزیہ ممتاز نے 78کلو گرام کیٹگری میںیہ کارنامہ انجام دیا اورسونے کا تمغہ پایا،سائوتھ ایشین گیمز میں پاکستان نے جوڈو،تائی کوانڈو، وشو، ریسلنگ میں دو دو گولڈ میڈلز جیتے،ہاکی، اسکواش ،ویٹ لفٹنگ اور سوئمنگ میں ایک ایک طلائی تمغہ جیتا ،پاکستان نے مجموعی طور پر 12سونے 37چاندی اور 57کانسی کے تمغے جیتے، بھارت 308میڈل کے ساتھ پہلے، سری لنکا186میڈلز جیت کر دوسرے اور پاکستان 106میڈلز کے ساتھ تیسرے نمبر پر رہا۔
