سینچورین……جنوبی افریقا نے سیریز کے آخری ٹیسٹ میں انگلینڈ کو 280 رنز سے ہرا دیا ،مہمان ٹیم دوسری اننگز میں صرف 101 رنزہی بناسکی،نوجوان فاسٹ بولر ربادا نے میچ میں 13 وکٹیں حاصل کیں۔
سینچورین میں چوتھے ٹیسٹ کے آخری دن انگلینڈ کو جیت کےلیے 330 رنز اور جنوبی افریقا کو آٹھ وکٹ درکار تھیں لیکن ربادا کی تباہ کن بولنگ کے سامنے کوئی انگلش بیٹسمین نہ ٹک پایا ، پوری ٹیم 101 رنز بناکر پویلین لوٹ گئی۔ربادا نے دوسری اننگز میں چھ اور ٹیسٹ میں مجموعی طور پر 13 وکٹیں حاصل کیں،ٹیسٹ کا اسکور یہ رہا ،جنوبی افریقا 475 اور248 رنز پانچ کھلاڑی آؤٹ پر ڈیکلیرانگلینڈ کی ٹیم پہلی اننگز میں 342 اور دوسری میں 101 رنز بنا سکی۔چار میچز کیس سیریز دو ایک سے انگلینڈ کے نام رہی ۔
