بالی ووڈ ایسی نگری ہے جہاں چڑھتے سورج کی پوجا ہوتی ہے۔ کوئی بھی فنکار اس وقت تک فلمسازوں کی آنکھ کا تارا ہوتا ہے جب تک وہ عوام میں مقبول ہے جہاں انہیں کچھ نیا ملا وہ پرانے سے آنکھیں پھیر لیتے ہیں، گلوکار کمار سانو بھی اسی بے وفائی کا شکار ہوئے ہیں۔ ایک انٹرویو میں کمار سانو کا کہنا تھا میں نے بالی ووڈ میں کئی برس لگائے ہیں، لوگوں کامجھے اس طرح سے نظر انداز کرنا نا قابل برداشت ہے ۔ میری بھی عزت نفس ہے ، مجھے یہ ہرگز گوارا نہیں کہ میں کام مانگنے لوگوں کے دروازے پر جاؤں اور ان کی منتیں کروں۔ لوگوں سے کام مانگنے سے بہتر ہے کہ میں اپنی توجہ ذاتی البم اور علاقائی فلموں پر مرکوز کروں۔