پرویز مشرف سے متعلق سوال پر شعیب ملک بھڑک اٹھے
Shoaib Malik and Ex-President Pervez Musharraf
دبئی: پاکستان کرکٹ ٹیم کے آل راونڈر شعیب ملک سابق صدر پرویز مشرف سے متعلق صحافی کے سوال پر بھڑک اٹھے۔
سری لنکا کے خلاف دبئی میں کھیلے گئے ون ڈے میں 61 گیندوں پر 81 رنز کی جارحانہ اننگز کی بدولت مین آف دی میچ کا ایوارڈ حاصل کرنے کے باوجود شعیب ملک سابق صدر پرویز مشرف سے داد حاصل کرنے سے محروم رہے تھے۔ سابق صدر نے دبئی اسٹیڈیم میں بیٹھ کرمیچ دیکھا اور بعد ازاں ایک انٹرویو میں انہوں نے بابر اعظم ،رومان رئیس اور حسن علی کی کارکردگی پر ان کی تعریف کی تاہم انہوں نے کپتان سمیت کسی سینئر پلیئر پر کوئی تبصرہ نہیں کیا۔
Adv
یہ خبر بھی پڑھیں: پاکستان نے سری لنکا کو شکست دے دی
شعیب ملک نے کہا کہ ہمیشہ اس بات پر یقین رکھتا ہوں کہ نوجوان کھلاڑیوں کی ستائش ہونی چاہیے جب کہ سینئرکھلاڑیوں کو کسی کی تعریف کی ضرورت نہیں، میرا خیال ہے کہ پرویز مشرف نے نوجوان کھلاڑیوں کو پذیرائی دے کراچھا کیا جس سے کھلاڑیوں کی حوصلہ افزائی ہوئی جو کہ ٹیم کے لیے اچھا ہے۔ انہوں نے کہا کہ تجربہ کار کرکٹرز ترقی کے اس مقام پر پہنچ چکے ہوتے ہیں جہاں انہیں تعریف ملنے یا نہ ملنے پرکوئی فرق نہیں پڑتا۔
