Cardboard Factory 3 bodies

شیخوپورہ میں گتہ فیکٹری کے گارڈ روم سے 2 خواتین سمیت 3 افراد کی ہاتھ پاؤں بندھی لاشیں ملی ہیں۔ مقتولین میں فیکٹری گارڈ نذیر خان، اسکی بیوی اور اس کی والدہ شامل ہیں۔شیخوپورہ: (یس اُردو) مانسہرہ کے رہائشی نذیر خان نے کچھ عرصہ قبل ایک لڑکی سے کورٹ میرج کی اور شیخوپورہ کی گتہ فیکٹری میں سیکورٹی گارڈ کے طور پر نوکری حاصل کر کے فیکٹری میں ہی رہائش اختیار کر لی۔ تعفن پھیلنے پر فیکٹری مزدوروں نے نذیر خان کے کوارٹر کا دروازہ توڑا تو اس کے کمرے میں نذیر خان، اسکی بیوی اور اس کی والدہ کی لاشیں پڑی تھیں۔ پولیس کے مطابق نذیر خان نے لڑکی کو گھر سے بھگا کر کورٹ میرج کی تھی۔ پولیس کا کہنا ہے کہ لاشیں دو سے تین روز پرانی ہیں۔ ملزمان نے مقتولین پر پہلے تشدد کیا اور پھر رسیوں سے باندھ کر تیز دھا رآلہ سے قتل کر دیا۔ پولیس نے لاشیں قبضے میں لیکر پوسٹمارٹم کیلئے ڈی ایچ کیو ہسپتال منتقل کر دی ہیں۔