ذرائع کے مطابق جاوید میانداد کی طرف سے میچ فکسنگ کے الزامات واپس لینے کا امکان ہے
لاہور: جاوید میانداد اور شاہد آفریدی میں ناراضگی ختم ہو گئی ۔ دونوں کرکٹرز کی آج ملاقات متوقع ہے ، جاوید میانداد کی طرف سے میچ فکسنگ الزامات واپس لیے جانے کا امکان ہے ۔
جاوید میاندا کی طرف سے شاہد آفریدی پر عائد میچ فکسنگ الزامات کا تنازع حل ہوتا دکھائی دینے لگا ۔ ذرائع کے مطابق جاوید میانداد اور شاہد آفریدی کی ملاقات آج متوقع ہے ، ملاقات کرانے میں سابق کرکٹرز کے علاوہ اہم شخصیات کا کردار ہے ۔ملاقات میں گلے شکوے دور کیے جائیں گے ۔ جبکہ ذرائع کا مزید کہنا ہے کہ جاوید میانداد کی طرف سے میچ فکسنگ کے الزامات واپس لینے کا امکان ہے ۔
واضح رہے کہ شاہد آفریدی نے فکسنگ الزامات لگانے پر میانداد کو قانونی نوٹس بھیجنے کا فیصلہ کیا تھا ۔ جبکہ جاوید میانداد آفریدی کے لیے معاف کا اعلان کر چکے ہیں ۔
