آکلینڈ ……پاکستان ٹی ٹوئنٹی کپتان شاہد آفریدی اور اوپنر احمد شہزاد آکلینڈ میں کھانا کھانے نکلے ،لیکن مقامی کرنسی نہ ہونے کی وجہ سے ان کے کھانے کا بل ایک پاکستانی نے ادا کر کے دونوں کھلاڑیوں کو مشکل سے بچا لیا۔
پاکستان کرکٹ ٹیم تین ٹی ٹوئنٹی اور تین ون ڈے میچز کی سیریز کھیلنے آکلینڈ پہنچ گئی۔ تفریح کی غرض سے کپتان شاہد آفریدی اور اوپنر احمد شہزاد ٹیم ہوٹل سے باہر نکلے اور بھوک نے ستایا تو معروف برگر چین پر پہنچے۔کھانا آرڈر کیا لیکن یہ کیا آرڈر کی پیمنٹ کیسے کریں،احمد شہزاد اور شاہد آفریدی کے پاس مقامی کرنسی تھی ہی نہیں۔اب کریں تو کیا کریں،لیکن ان کا مسئلہ حل کیا وہاں موجود ایک پاکستانی پرستار نے،جس نے دونوں کھلاڑیوں کے فوڈ کا بل پے کیا اور انہیں مشکل سے نکالا ۔
