لالہ موسیٰ(جمیل احمدطاہر)مقامی کاروباری شخصیت سیٹھ ذوالفقارگل عرف سیٹھ بھٹوکے جوانسالہ بیٹے کے قتل کامقدمہ تھانہ سٹی لالہ موسیٰ میں درج، بتایاجاتاہے کہ سٹی پولیس لالہ موسیٰ نے جمعرات اور جمعہ کی درمیانی شب قتل ہونے والے نوجوان سیٹھ اویس ولدسیٹھ ذوالفقارگل کے قتل کی ایف آئی آرمقتول کے والدسیٹھ ذوالفقارگل ولدسیٹھ گل محمدکی مدعیت میں فیضان ولدہارون ،ہارون ولدپیرمحمداقوام بٹ ،اور ان کے ساتھی پرویزکیخلاف درج کرلی ہے ،یادرہے کہ ملزمان نے نوجوان کو بہانے سے گھرلے جاکرموبائل فون چھیننے کی کوشش کی اور ناکامی پر فائرنگ کرکے قتل کردیاتھااور اس کی نعش بوری میں بندکرکے سرائے عالمگیرتھانہ کے علاقے رکھ پبی سرکارمیں پھینک دی تھی ،ایس ایچ اوتھانہ صدرلالہ موسیٰ شفقت محمودبٹ،تفتیشی ملک خادم حسین سب انسپکٹرنے اپنی پیشہ وارانہ صلاحیتوں کو استعمال کرتے ہوئے 36گھنٹوں کے قلیل عرصہ میں اندھے قتل کو ٹریس کرتے ہوئے ملزم فیضان اور اس کے والدہارون کو حراست میں لے لیاتھا۔
