پیرس(نامہ نگار) پاکستان مسلم لیگ ن فرانس کے سینئر راہنما ملک انعام نے کہا ہے کہ ہماری قومی ساکھ دائو پر لگ چکی ہے اور ہمارے سابق اہم ترین خفیہ ایجنسی کے سربراہ کے ساتھ لاڈلوں جیسا سلوک ہورہا ہے۔
چیف جسٹس کو نوٹس لے کر جنرل (ر)درانی کا سپیڈی ٹرائل کرنا چاہیے ۔ اگر ان کی جگہ کوئی سیاستدان ہوتا تو رائی کا پہاڑ بنا دیا جاتا اور اس کو غدار اور نہ جانے کیا کچھ القاب سے نوازا جاتا۔ مگر ہم دیکھ رہے ہیں کہ ہمارے انصاف کے اداروں سے لے کر پالیسی میکرز تک اس پر چپ سادھے بیٹھے ہیں ۔ جو کہ قومی مفادات کیساتھ کھلواڑ ہے۔
انہوں نے کہا کہ ہم اس کی پرزور مذمت کرتے ہیں اور جنرل(ر) درانی کو بھی آزاد کمیشن کے روبرو پیش ہونا چاہیے اور فوج کو چاہیے کہ ان کو ایسی سزا دے کہ آئندہ کسی کو ایسا کرنے کی جرات نہیں ہونی چاہیے۔
